Internet kitap oqyǵannan góri mıdy anaǵurlym sergitedi
ASTANA. 4 sáýir. QazAqparat - Ǵalymdar jahandyq jelide aqparattardy izdeý mıdyń jumysyn kitap oqyǵannan góri anaǵurlym jaqsartady, degen qorytyndyǵa keldi,
dep jazady Perfect Lady basylymy. Ásirese ınternetti paıdalaný mı qyzmeti álsireı bastaıtyn egde adamdarǵa paıdaly.
Internetti paıdalaný kezindegi mıdiń kúsheıe túsken belsendiligin sarapshylar magnıtti-rezonanstyq skanerler arqyly tirkegen. Mamandar onyń tıimdiligi aqparatty izdeýden keıin de saqtalatynyna nazar aýdaryp otyr.
Internetti paıdalanýdyń mıǵa paıdasyn ǵalymdar birneshe sebeptermen túsindiredi - onyń barysynda ekranǵa nazar aýdarý, mátin men sýretterdi qabyldaý, izdeý kezinde adamnyń óz maqsatyna jumylýy, alynǵan málimetterdi taldaý sııaqty birqatar mindetterdi oryndaýǵa týra keledi. Sóıtip, saıyp kelgende, ınternetti paıdalaný mıdy shynyqtyratyn jaqsy ermek bolyp shyǵady.
