Internet keńistikti qorǵaýǵa qajetti barlyq resýrstar bar - UQK
Depýtattar tarapynan ınternet júıesindegi qaýipsizdikke qatysty atqarylyp jatqan jumystar jaıynda surady.
Óz kezeginde D.Erǵojın aqparattyq lańkestik aktileri, ınternet-nasıhat, qandaı da bir qasaqana is-qımyldar jaǵdaıyna Qazaqstan zańnamasyna sáıkes, anyqtalǵan ınternet-resýrstardyń qyzmetin toqtata turýǵa ókilettik bar ekenin túsindirdi.
Sonymen qatar aýqymdy keńistikke jappaı yqpal etý júrip jatsa, bul turǵyda tıisti aýmaqtarda ınternet jelisin shekteý qadamy jasalýy múmkin. Alaıda bundaı qadamdar óte qajet jaǵdaılarda ǵana iske asyrylady.
Munymen qosa ol eger de memlekettik organdarǵa qatysty aqparattyq shabýyldar bolsa, onda vedomstvo tehnıkalyq múmkindikterge súıenip, IP-adresi buǵattaý nemese basqa da sharalardy atqaratynyn jetkizdi.
Al aqparattyq júıelerdi buzý, baǵdarlamalardy qoldan jasaý sekildi qylmystar boıynsha ókilettikter QR UQK men ІІM arasynda jiktelgen.