Internet tsenzýraǵa qarsy ereýilge shyqqan túrkııalyqtar kúshpen taratyldy
ASTANA. QazAqparat - Ystambuldaǵy Gezı saıabaǵy men sol mańdaǵy ereýilshilerdi taratý úshin Túrkııa polıtsııasyna kóz jasaýratatyn gaz ben sý atqyshtardy qoldanýǵa týra keldi, dep habarlaıdy Vestı portaly.
Manıfestanttar ınternettegi tsenzýra týraly zań jobasyna qatysty qarsylyqtaryn bildirý úshin atoılap kóshege shyqty. Atalǵan zań jobasy el bıligine aldyn ala sot ruqsatynsyz ǵalamtordaǵy kez kelgen resýrsty jabý múmkindigin beredi. Qujat Túrkııa parlamentinde maquldanyp ta úlgerdi. Ereýilshiler men tártip saqshylary arasyndaǵy qaqtyǵysta birneshe adam zardap shekti. Búlikti bastaǵandar ustaldy. Gezı saıabaǵynyń ózi qorshaýǵa alyndy.
