Internet arqyly jumys usynǵan alaıaqqa turǵyndar 4,5 mln teńgege jýyq qarjy salǵan
TÚRKІSTAN. QazAqparat - Túrkistan oblysynda polıtseıler ǵalamtor arqyly alaıaqtyq jasaǵan kúdiktini qolǵa túsirdi.
Jurtqa jumys taýyp beremin dep aldaǵan kúdikti jábirlenýshilerge 2 mln teńgege jýyq shyǵyn keltirgen, dep habarlaıdy QazAqparat tilshisi.
Oblystyq Polıtsııa departamenti baspasóz qyzmetiniń málimetinshe, birneshe jábirlenýshi belgisiz bireýge aldanyp qalǵany týraly tártip saqshylaryna aryzdanǵan. Krımınaldyq polıtsııa basqarmasynyń qyzmetkerleri jedel-izdestirý sharalarynyń nátıjesinde kúdiktini Shymkent qalasynda qolǵa túsirdi. Tergeý barysynda onyń adamdardy qalaı aldap júrgeni anyqtaldy.
«Ol uıaly telefony arqyly ǵalamtorda jumys izdegenderge arnap, jarnama qaldyrady. ıAǵnı, ol jumyssyz júrgen adamdardy Atyraý jáne Sozaq qalalaryna vahtalyq ádispen, jalaqysy 200-300 myń teńgelik jumysqa shaqyrady. Jarnamany ornalastyrý kezinde ózin ártúrli esimmen (Berik, Raýan, Qaırat) tanystyrady. Artynsha onymen jumys izdegender jarnama arqyly habarlasyp sóılesedi. Al, kúdikti ózine habarlasqan azamattardyń senimine ábden kirip, Kıvı ámııany arqyly aqshalaryn aýdartyp alǵan soń, uıaly telefonyn óshirip tastaǵan», delingen habarlamada.
Qazirgi tańda seziktiniń buryn sotty bolǵany, onyń ázirge 6 azamatty aldap soqqany anyqtalyp otyr. Ol Túrkistan QPB-nyń ýaqytsha ustaý ızolıatorynda qamaýǵa alynyp, atalǵan jaıtqa qatysty QR QK-niń 190-baby «Alaıaqtyq» boıynsha sotqa deıingi tergep-tekserýdiń biryńǵaı tizilimine engizildi.
