Internet arqyly sháıge tapsyrys berip, esirtki alǵan

ASTANA. QazAqparat - Borısova turǵyny ınternet arqyly sháıǵa tapsyrys berip, esirtki alǵan. Bul týraly BELTA Mınsk qalalyq atqarý komıteti QІІB-ge silteme jasap habarlaıdy.

Mılıtsııadan málim etkendeı, 4 mamyrda jedel járdem psıhıkalyq belsendi zattardan ýlanǵan er adamdy aýrýhanaǵa jetkizgen.

«Aýrýhanaǵa jetkizilgen Borısovanyń 32 jastaǵy turǵynynyń jeke zattaryn tekserý kezinde jasyl tústi 10 gramm untaq tabylǵan. Júrgizilgen saraptamada kórsetilgendeı, ol esirtkilik zat - mıtragının bolyp shyqqan», - dedi Qalalyq ishki ister basqarmasynda.

Er adamnyń aıtýynsha, ol etnıkalyq sháılar satatyn ýkraındyq saıt arqyly tapsyrys bergen.  Ol sháıdiń aqshasyn onlaın arqyly tólegen, keıin oǵan tapsyrysyn poshta arqyly salyp jibergen. Ol untaqty sýmen aralastyryp ishedi. Mınskige kelgennen keıin ózin jaısyz sezine bastaǵan.

 Atalmysh fakti boıynsha Qylmystyq kodekstiń 328-baby 1-bóligi (esirtkilik zattardy, psıhıkalyq belsendi zattardy zańsyz satý) boıynsha qylmystyq is qozǵaldy.