Internet arqyly satyp alynǵan temir jol bıletteri astanalyqtar men almatylyqtar úshin bir aı tegin jetkiziledi
ASTANA. 14 jeltoqsan. QazAqparat /Gúlmıra Alıakparova/ - 2011 jyldyń 15 jeltoqsanynan 2012 jyldyń 15 qańtaryna deıin Astana jáne Almaty qalarynda Internet arqyly satyp alynǵan temir jol bıletteri klıentterge tegin jetkiziledi. Bul týraly «Jolaýshylar tasymaly» AQ-nyń baspasóz qyzmetinen málim etti.
Kompanııa temir jol bıletterin kelesi saıttar arqyly satyp alýǵa bolatynyn eske salady: www.railways.kz , www.temirzholy.kz , www.pcentre.kz .
Jol júrý qujattary úıge, keńselerge Astana jáne Almaty qalalarynyń ishinde jumys kúnderi: Almatyda saǵat 09.00-den 17:00-ge deıin, Astanada saǵat 09:00-den 18:00-ge deıin jetkiziledi. Tapsyrys kún saıyn saǵat 9.00-den 21.00-ge deıin poıyz jóneltilgenge bir táýlik qalǵanǵa deıin qabyldanady, bılet poıyzdyń júrýine 6 saǵattan kem emes ýaqyt qalǵansha jetkiziledi.
