Internet arqyly nekege otyrýǵa bola ma
Atalǵan basylymnyń «Elektrondy úkimet» portaly arqyly nekege qalaı otyrýǵa bolady degen salaýyna Óskemen qalalyq ádilet basqarmasynyń mamany Saltanat Oralbaeva jaýap bergen.
«Ras, portal osyndaı qyzmetti usynady. Ol úshin Siz eGov.kz portalyna kiresiz. Sodan keıin avtorlanasyz jáne «Qyzmetke onlaın tapsyrys berý» batyrmasy boıynsha ótesiz. Ótinimde eriniń/zaıybynyń JSN-in kórsetý jáne neke tirkeletin JAO tirkeý bólimin tańdaý kerek. Ótinimge ETsQ qoıý (elektrondy tsıfrlyq qoltańba) qajet. Ótinish 48 saǵattan artyq emes rastaýdy kútýi múmkin, odan keıin kúshin joıady.
Elektrondyq ótinim berý úshin eki ótinish berýshi de nekege alǵash otyrǵan bolýy jáne balalary bolmaýy qajet. Ekinshi jáne odan keıingi nekeni tirkeýge ótinishti portal arqyly berý múmkin emes. Erler men áıelder úshin neke (erli-zaıypty bolý) jasy - 18 jas.
Nekeni (erli-zaıyptylyqty) memlekettik tirkeýdi nekege otyrý (erli-zaıypty bolý) týraly birlesken ótinish berilgen kúnnen bastap bir aı merzim ótken soń tirkeýshi organ júrgizedi.
Merzimniń ótýi ótinish berilgennen keıingi kelesi kúnnen bastalady jáne kelesi aıdyń tıisti kúni bitedi. Eger osy kún jumys kúni bolmasa, onda odan keıingi jumys kúni merzimniń aıaqtalǵan kúni bolyp esepteledi.
Anyǵyraq biryńǵaı baılanys ortalyǵynyń 1414 nómirinen ala alasyz», - deıdi Saltanat Oralbaeva.
