Internet arqyly esirtki satpaq bolǵan qostanaılyq ustaldy

QOSTANAI. QazAqparat - QR UQK Qostanaı oblysy boıynsha departamenti «XXXoxoclub.biz ǵalamtor-dúkeni arqyly psıhotropty quraldardyń zańsyz aınalysyna qatysy bar QR azamaty D.ıAkovenkonyń zańsyz is-áreketin anyqtap jolyn kesti, dep habarlaıdy QazAqparat.

Іs derekterine súıensek, 2018 jyly UQK departamenti Qostanaı oblysy aýmaǵynda sıntetıkalyq esirtki satýdy júrgizgen «XXXoxoclub.biz saıtyn anyqtaǵan. Jedel-izdestirý is-sharalary barysynda atalǵan ǵalamtor-resýrsyn D.ıAkovenko esimdi azamattyń qurǵany belgili boldy. Oǵan qosa sıntetıkalyq esirtkini Reseı Federatsııasynan Qazaqstan Respýblıkasyna ákelgen.

«2018 jyldyń 5 qazanynda «XXXoxoclub.biz ǵalamtor-dúkeni arqyly «pırovaleron» psıhotropty qural analogynyń 0,5 gramy satylǵan. Sol jyldyń 14 naýryzynda D.ıAkovenkonyń turǵylyqty mekenjaıy boıynsha tergeý amaldarynyń kesheni ótkizildi. Tintý barysynda «pırovaleron» psıhotropty quraly analogynyń 5 gramm quramy bar 5 «Zip-paketi» tabylyp, tárkilendi. Jaýap alýda D.ıAkovenko óziniń Reseı Federatsııasynan Qazaqstan Respýblıkasyna sıntetıkalyq esirtki quralyn ótkizgenin jáne olardy onlaın-dúken arqyly aımaqta satýǵa qatysqanyn rastady», - delingen QR UQK baspasóz qyzmetiniń habarlamasynda.

2019 jylǵy 7 tamyzda Qostanaı qalasynyń №2 soty D.ıAkovenkony QR QK 287-baby 3-bóligi, 296-baby 1-bóligi jáne 297-babynyń 1-bóligi boıynsha aıypty dep tanyp, 5 jyl bas bostandyǵynan aıyrýǵa úkim shyǵardy. Ol qylmystyq-atqarý júıesiniń orta qaýipsizdik mekemesinde jazasyn óteıdi.