Internet arqyly alaıaqtyq jasaǵan qostanaılyq ustaldy

QOSTANAI. QazAqparat - Qostanaıda «Kolesa» saıty tutynýshylaryn aldaǵan alaıaq qolǵa tústi, dep habarlaıdy QazAqparat tilshisi oblystyq ІІD baspasóz qyzmetine siltememen.

Aram pıǵylyn júzege asyrmaq bolǵan kúdikti 16 qazanda ustaldy. Ol aqparattyq tehnologııalar salasynda 20-dan astam alaıaqtyq is jasaǵan 27 jastaǵy qala turǵyny bolyp shyqty. 

«Kúdikti «Kolesa» saıtyna tómen baǵalarmen avtobólshekter satý týraly habarlandyrý bergen. Onyń osy isine Qazaqstannyń segiz óńiriniń (Soltústik Qazaqstan, Qaraǵandy, Aqmola, Aqtóbe, Jambyl, Batys-Qazaqstan, Mańǵystaý oblysy, Almaty) turǵyndary aldanǵan. Ol saıtqa habarlandyrý ilip, sodan soń adamdarmen hat jazysqan. Olardyń senimine kirip, aldyn ala aqsha tólemin surap otyrǵan»,- dep habarlady ІІD baspasóz qyzmeti.

Osylaısha, aldanǵan saıt paıdalanýshylary bógde adamnyń esep-shotyna aqsha aýdaryp kelgen. Belgili bolǵandaı, ustalǵan azamat osyǵan uqsas birneshe qylmys jasap, jaýapkershilikke tartylǵan. Qazir kúdikti ýaqytsha ustaý ızolıatoryna qamaýǵa alyndy. Onyń keltirilgen zalal somasy eseptelýde.

Sotqa deıingi tergeý júrgizilip jatyr.