Internet arqyly alaıaq elorda turǵynynyń 500 myń teńgesin ıelenip ketken
NUR-SULTAN. QazAqparat - Nur-Sultan qalasynda ınternet-alaıaqtyq faktileriniń jıilep otyr. Solardyń ishindegi keńinen taralǵandardyń biri - jyljymaıtyn múlik pen avtokólikterge baılanysty jasalatyn qylmystar, dep habarlaıdy QazAqparat qalalyq PD baspasóz qyzmetine silteme jasap.
Alaıaqtar páter jáne avtokólikter satýǵa boıynsha jarnamalar saıtyna kirip, baılanys telefondarǵa qońyraý shalyp, múlik satyp alýǵa nıet bildiretinin jáne kepildikke aldyn ala aqsha beretini týraly habarlasyp, keliskendeı bolady. Ábden senimge kirip alǵan soń satýshydan tólem kartochkasyn «ınternet-bankıng» qyzmetine qosýyn ótinedi. Bul júıemen jumys istep kórmegen azamattardy aldap, aqshalaı qarajat bar shottar boıynsha túgeldeı málimetterdi surap alady.
Máselen, Nur-Sultan qalasynyń Polıtsııa departamentine ınternet-alaıaqtyq faktisi jóninde qala turǵynynan aryz kelip tústi. Belgisiz bireý onyń jarty mıllıon aqshasyn aldap ıelengen. Óz úıin satýǵa qoıǵan áıel málimetterdi alaqtarǵa ózi jiberip, aqshasynan aıyrylǵan. Qazirgi tańda osy fakt boıynsha sotqa deıingi tergep-tekserý jumystary júrip jatyr.
Nur-Sultan qalasy PD ınternet-paıdalanýshylaryna qyraǵylyq tanytyp, ınternet-alaıaqtarynyń quryǵyna túsip qalmaýdy usynady.
Alaıaqtardyń aıla-sharǵysyna túsip qalmaý úshin:
Belgisiz adamdarǵa kúmán týǵyzatyn aqsha aýdarymdar júrgizbeý;
Nesıe alý úshin qarjy uıymdaryna ǵana júginý;
kez kelgen taýardy satyp alý kezinde ártúrli rakýrstyń fotosýretin alý nemese taýardyń bar-joǵyn rastaý úshin beıne-qońyraýdy júzege asyrý;
óz anketalyq málimetterin, karta nómiri men parolin bermeý qajet.
