Internet arqyly búıregin satpaq bolǵan aqtóbelik 1,5 jylǵa sottaldy

KÓKShETAÝ. KAZINFORM — Kókshetaý qalalyq sotynda ınternet arqyly óz búıregin satpaqshy bolǵan aqtóbelikke qatysty qylmystyq is qaraldy.

Sotta anyqtalǵandaı, Aqtóbe qalasynyń 25 jastaǵy turǵyny óz búıregin satý boıynsha zańsyz mámile jasaǵan (QK 24-baby 3-bóligi, 116-baby 1-bóligi).

Er adam áleýmettik jelide óziniń ishki organyn kelisimdi baǵamen satý jóninde habarlandyrý jarııalaǵan. 

Ol shartty satyp alýshymen mámile jasasý kezinde ustaldy. 

Aqmola oblystyq soty baspasóz qyzmetiniń málimetinshe, qylmystyq is sottalýshynyń kinásin moıyndaý týraly mámile nysanynda jasalǵan is júrgizý kelisimimen sotqa tústi.

«Jaza taǵaıyndaý kezinde sot onyń shyn júrekten ókinýin, sondaı-aq aýyrlatatyn mán-jaıdyń joqtyǵyn eskerdi. Sot úkimimen er adamǵa shartty túrde 1 jyl 6 aı bas bostandyǵynan aıyrý jazasy taǵaıyndaldy. Sottalǵanǵa probatsııalyq baqylaý belgilendi. Sot aktisi zańdy kúshine engen joq», — dedi vedomstvodan.

Aıta ketsek, budan buryn Kókshetaýda aǵzasyn satpaqshy bolǵan er adam ustalǵanyn jazǵan edik.