Internet-alaıaqtyqqa qatysy bar Qytaıdyń 13 azamaty elden shyǵaryldy
ASTANA. KAZINFORM- Ulttyq qaýipsizdik komıteti zańsyz kóshi-qonǵa qarsy kúres aıasynda Qazaqstannyń kóshi-qon zańnamasyn buza otyryp elde júrgen Qytaıdyń 13 azamatyn anyqtap, ustady. 2026 jylǵy 16 qazanda olar ákimshilik tártippen Qazaqstan aýmaǵynan shyǵarylyp, odan ári tergep-tekserý júrgizý úshin Qytaıdyń ýákiletti organdaryna tapsyryldy.
QR Ulttyq qaýipsizdik komıteti baspasóz qyzmetiniń habarlaýynsha, tekserý barysynda sheteldikterdiń Qazaqstan aýmaǵynda halyqaralyq ınternet-alaıaqtyqtyń jasyryn shemasyn uıymdastyrǵany anyqtaldy. Olardan kóptegen kompıýterlik tehnıka, uıaly telefondar, «Starlink» spýtnıktik ınternet baılanysy jabdyqtarynyń jıyntyqtary, sondaı-aq krıptoámııandarda saqtalǵan iri kólemdegi qarajat tabyldy.
Toptyń áreketteri Qazaqstan rezıdentteri bolyp tabylmaıtyn ózge elderdiń azamattaryna qarsy baǵyttalǵan jáne shetelden úılestirilip otyrǵan.
-Osyǵan baılanysty odan ári tekserý Qytaı Halyq Respýblıkasynyń Qoǵamdyq qaýipsizdik mınıstrligindegi áriptestermen birlesip júrgizildi. Tekserý nátıjesinde ustalǵandardyń keıbiri óz elinde osyǵan uqsas áreketteri úshin izdeýde júrgeni anyqtaldy,-delingen habarlamada.
syǵan deıin Astanaǵa alaıaqtyq úshin halyqaralyq izdeýde júrgen adam jetkizilgen bolatyn.
