Internet-alaıaqtyq pen esirtkiden túsken kiristerdi jylystatýǵa arnalǵan servıs anyqtaldy

ASTANA. KAZINFORM – Bul týraly Qarjylyq monıtorıng agenttiginiń (baspasóz qyzmeti habarlady.

Baspasóz qyzmetiniń málimetterine qaraǵanda, Qarjylyq monıtorıng agenttigi qylmystyq jolmen alynǵan kiristerdi zańdastyrýǵa, sonyń ishinde tsıfrlyq valıýtany paıdalaný arqyly júzege asyrylatyn áreketterge qarsy jumys júrgizip keledi.

- Blokcheın arqyly krıptotranzaktsııalardy baqylaý barysynda ınternet-alaıaqtyq pen esirtki saýdasynan túsken kiristerdi jylystatýǵa kásibı qyzmet kórsetken «RAKS exchange» atty krıptoaıyrbastaý servısi anyqtaldy.

Atalǵan servıs qylmys áleminde óte tanymal bolǵan jáne 5 mln astam qoldanýshysy bar 20 iri «Darknet» naryǵymen jumys istegen.

Sońǵy úsh jyl ishinde bul krıptoservıs arqyly TMD elderindegi — Qazaqstan, Reseı, Ýkraına jáne Moldova — 200-den astam esirtki dúkeniniń zańsyz kiristeri aqtalǵan.

Krıptoaıyrbastaý platformasynyń jalpy aınalymy 224 mln AQSh dollarynan asqan, - delingen habarlamada.

Tergeý barysynda 4 myńnanastam krıptovalıýta ámııandary zerttelip, qylmystyq kirister saqtalǵan ámııandar anyqtaldy.

Nátıjesinde servıske tıesili 67 krıptoámııan buǵattaldy. Jalpy somasy 9,7 mln USDT (5,2 mlrd teńge) bolatyn tsıfrlyq aktıvter ýaqytsha toqtatyldy.

Búgingi kúni servıs tolyqtaı óz qyzmetin toqtatty:

áleýmettik jelidegi akkaýnttary joıyldy;

klıentterge qyzmet kórsetýi toqtatyldy;

- Darknet-tegi mamandandyrylǵan forýmdarda esirtki dúkenderi tarapynan qarjylyq mindettemelerdiń oryndalmaýyna qatysty jappaı shaǵymdar tirkelýde.
Tsıfrlyq quraldardy paıdalaný arqyly qylmystyq kiristerdi jylystatý shemalaryn toqtatý jumystary jalǵasýda,-deıdi baspasóz qyzmeti.

Osyǵan deıin Qarjylyq monıtorıng agenttigi alaıaqtyqtyń jańa túri týraly eskertkeni jónendi jazdyq.