Internet-alaıaqtyq pen esirtki qylmysymen kúreste myńdaǵan resýrs buǵattaldy – Bas prokýror

ASTANA. KAZINFORM – Prokýrorlar zańdylyqty nyǵaıtý, «Zań men Tártip» ıdeologııasyn ilgeriletý jáne qoǵamda zańǵa baǵynatyn minez-qulyqty qalyptastyrý sharalaryn jalǵastyrýda. Bul týraly Bas prokýror Berik Asylov aıtty..

Úılestirý sharalary arqyly qylmystyq ahýaldy jaqsartý mindetteri jedel sheshildi. Qylmystyq quqyq buzýshylyq deńgeıi 82 573-ten 76 512-ge deıin tómendedi.

Qoǵamdyq oryndardaǵy quqyqtyq tártip (23 121-den 21 269-ǵa deıin) jáne kóshelerdegi jaǵdaı (11 035-ten 10 272-ge deıin) jaqsardy.

- Sonymen qatar ınternet-alaıaqtyq pen esirtki qylmysy máselesi ózekti kúıinde qalyp otyr. Osy sanattaǵy qylmystardyń jolyn kesý, anyqtaý jáne ashý boıynsha múddeli organdarmen birlesip aýqymdy jáne júıeli is-sharalar júrgizilýde, - delingen Bas prokýror taratqan aqparatta.

Alaıaqtyqqa qarsy kúres sheńberinde 61 kıbertop áshkerelenip, 217 «dropper» qylmystyq jaýaptylyqqa tartyldy. Internettegi esirtkiniń zańsyz aınalymy ınfraqurylymyn turaqsyzdandyrý maqsatynda 88 myń esirtki dúkeniniń shottary buǵattaldy.

Aıta keteıik, bıyl 14 myńnan astam ınternet-alaıaqtyq tirkeldi.