Internet alaıaqtyq: elordalyqtar 1 mlrd teńgege aldandy

ASTANA. KAZINFORM – Jyl basynan beri elordada 1293 ınternet alaıaqtyq faktisi tirkeldi. Bul týraly Astana qalasy Polıtsııa departamentiniń kıberqylmyspen kúres basqarmasynyń bastyǵy Talǵat Bólegenov málim etti.

- Bıyl 4 aıda elordada 1293 ınternet alaıaqtyq faktisi tirkeldi, byltyrǵy 4 aımen salystyrǵanda 16 paıyzǵa tómen. Alaıaqtyq faktisi boıynsha 78 tulǵa ustalyp jaýapkershilikke tartyldy. Sondaı-aq 3 qylmystyq top áshkerelendi, onyń bireýi alaıaqtyq Call ortalyǵyn uıymdastyrǵan. Internet alaıaqtyq áreketterden kelgen jalpy zalal kólemi – 1 mlrd 903 mln 839 myń teńge, - dedi Talǵat Bólegenov Astana qalasy kommýnıkatsııalar qyzmeti alańynda ótken baspasóz máslıhatynda.

Onyń málimdeýinshe, zalal somanyń 15,5%-y, ıaǵnı 295 mln 614 myń teńgesi ǵana óteldi.

- Internet alaıaqtyqtan zardap shekkenderdiń 22%-y 18-30 jas arasyndaǵy azamattar, 47%-y 31-50 jastaǵy azamattar jáne 31%-y 50 jastan joǵary adamdar, - deıdi ol.

Sondaı-aq spıker bıyl Polıtsııa departamenti janynan kıberqylmyspen kúres bólimshesi qurylǵanyn málim etti.

Buǵan deıin habarlaǵanymyzdaı, Astanada kıberqylmyskerler 28,4 mln teńgeni belgisiz shottarǵa aýdarǵan.