Internet alaıaqtaryna aldanǵandardyń aqshasyn alyp, ózgelerge aýdarǵan aqtóbelik ustaldy

AQTÓBE. KAZINFORM – Aqtóbelik ınternet alaıaqtaryna aldanǵan adamdardyń aqshasyn alyp, ony «jumys berýshisine» aýdaryp otyrǵan. Polıtsııa Reseıge qashyp ketpek bolǵan kúdiktini ustady.

Aqtóbe qalasynyń turǵyny jumys izdep, Telegram arqyly kýrer qyzmetine ornalasady. Onyń mindeti bankomattan aqsha alyp, ózge esepshottarǵa salý. Al ol bul qyzmeti úshin aqshanyń birgili bir bóligin óz qyzmeti úshin alyp otyrǵan. Sóıtip 5 mln teńge aýdardy.

- Polıtsııa qyzmetkerleri «Anti-fraud» is-sharasy aıasynda jedel-izdestirý sharasynda alaıaqtyq shemasyna qatysy bar kúdiktini anyqtady. Jas jigit Reseı Federatsııasyna qashpaq bolǵan kezde ustaldy. Tergep-tekserý barysynda kúdikti zańsyz aqsha aınalymdaryna qatysý arqyly paıda tapqanyn moıyndady. Qazirgi ýaqytta úsh jábirlenýshi anyqtaldy. Barlyǵy - telefon alaıaqtaryna aldanyp, aqshasynan aıyrylǵan jergilikti turǵyndar, - dep habarlady Aqtóbe oblystyq PD baspasóz qyzmeti. Osy is boıynsha qazir Qylmystyq kodekstiń «Alaıaqtyq» baby boıynsha is qozǵaldy. Kúdikti ýaqytsha ustaý ızolıatoryna qamaýǵa alyndy.

Eske salsaq, Aqtóbede jigitti jaldamaly páterge aparyp, keıin ony bopsalaǵan top ustaldy. Kúdiktiler – 19 jastaǵy qyz ben eki er adam.