Internet alaıaqtarǵa qurbandyq taýyp beretin dropperlerge qylmystyq jaza kúsheıtiledi

ASTANA. KAZINFORM — Bas prokýror Berik Asylov Májilis depýtatynyń saýalyna joldaǵan jaýapta ınternet alaıaqtarǵa qurbandyq taýyp beretin dropperlerdiń qylmystyq jazasyn kúsheıtetin zańdy qabyldaýǵa az qalǵanyn málim etken.

— 13 qańtarda zańnamaǵa «dropperlik» úshin qylmystyq jaýaptylyq engizýdi kózdeıtin túzetýler ázirlenip, Parlament qaraýyna joldandy. Usynylǵan normalar Məjilis depýtattarynan quralǵan jumys tobynyń kópshilik daýysymen qoldaý taýyp, Úkimettiń qorytyndysyn alýǵa jiberildi. Qorytyndynyń jobasy memlekettik organdardyń maquldaýyna joldandy, — dep jazady Berik Asylov.

Eske salsaq, naýryz aıynda Almaty oblysynda 600 mln teńgege alaıaqtyq jasaǵan dropperler toby ustalǵan bolatyn.