Internet-alaıaqtar Qostanaı turǵynynyń atynan nesıe alǵan
QOSTANAI. QazAqparat - Internettegi alaıaqtar Qostanaı oblysy turǵynynyń atynan onlaın-qaryzǵa ótinish bergen. Áıel muny nesıeni keshiktirý týraly habarlama alǵanda bir-aq bilgen, dep habarlaıdy QazAqparat.
Qostanaı oblystyq polıtsııa departamenti baspasóz qyzmetiniń habarlaýynsha, aralas taýarlardy satýǵa arnalǵan jańa tehnologııalar, ártúrli veb-saıttardyń paıda bolýy onlaın-nesıe alýǵa arnalǵan túrli tásilder syzbalaryn jasaýǵa múmkindik beredi. Tıisinshe, bul - alaıaqtar úshin ońaı oljaǵa kenelýdiń bir joly.
«Polıtsııaǵa oblys ortalyǵynda turatyn 50 jastaǵy áıel júgindi. Jábirlenýshiniń aryzyna sensek, 2018 jylǵy tamyz aıynda «TTTengo.kz» saıtynda onyń atynan nesıe alynǵan. Qazirgi ýaqytta qaryzdyń keshiktirý somasy 54 myń teńgege jetken. Shyǵynnyń jalpy kólemi - 100 myń teńgeden asyp ketken», - delingen PD baspasóz habarlamasynda.
Polıtseıler alaıaqtardyń qandaı jolmen nesıe alǵanyn anyqtap jatyr. QR QK «Alaıaqtyq» baby boıynsha tergeý jumystary bastaldy.
