Internet adamdardyń ómir súrý saltyn ózgertýde - Dıtrıh Valter
ALMATY. 28 maýsym. QazAqparat /Erlik Erjanuly/ - Internet bárin ózgertýde. Bul jaıynda búgin Almatyda ótip jatqan "Jasyl ekonomıka jáne turaqty damý" dep atalatyn halyqaralyq ǵylymı semınarda aıtyldy.
"Internetti brıtan stýdenti bastapqyda kommýnıkatsııa retinde qoldaný úshin oılap tapty. 1993 jyly ol bıznes quraly retinde qoldanyla bastady. Ol 1993 jyly arnaıy kompanııa quryp, ınternetti 1994 jyly Maıkrosoft ta óz bıznesine qoldana bastady. Sonyń nátıjesinde qazir Maıkrosoft álemdegi eń myqty kompanııalardyń birine aınalyp otyr", - deıdi Germanııadaǵy Kampýs Seilersee Prezıdenti, professor Dıtrıh Valter. Búgingi tańda ınternet bıznestiń búkilálemde qarqyndy damyp kele jatqanyn bári kórip otyr. Áıgili "Jasyl bıznes" kitabynyń avtorynyń paıymdaýynsha, ınternet bárin ózgertýde. Tipti ómir súrý saltymyzdy da. Osyǵan oraı onyń qoǵamǵa tóndirip turǵan qaýpi de óte zor bolyp otyr. Internet endi qaýipsizdikti qamtamasyz etýi kerek.
