Internat qyzmetkerleriniń 40%-y balalardy uryp-soǵady - A.Shákirov
ASTANA. QazAqprat - Balalarǵa arnalǵan ınternat qyzmetkerleriniń 40%-y zańǵa qaıshy bolsa da, balalardy uryp-soǵady. Bul týraly búgin taǵdyr tálkegine túsken balalardy zorlyq-zombylyqtan qorǵaý jáne olardyń quqyqtaryn saqtaý máseleleri jónindegi ortaazııalyq dıalog barysynda QR Adam quqyqtary jónindegi ýákil Asqar Shákirov málim etti.
"Elimizde alań týdyryp otyrǵan máseleniń biri - balalar arasyndaǵy sýıtsıd. Bizdiń málimetimiz boıynsha, ınternattaǵy balalardyń 8,5%-y óz dene múshelerine jara salady. Halyqaralyq sarapshylardyń oıyna júginsek, sýıtsıd jasaǵan balalardyń kem degende tórtten birin qutqaryp qalýǵa bolady, ıaǵnı, olardyń minez-qulqyndaǵy ózgeristerdi, kóńil-kúıine kóńil bólse, olardyń osy sumdyq oıyn aldyn ala bilýge bolady", - deıdi halyqaralyq zertteýlerge júgine sóılegen A.Shákirov.
Al, adam quqyqtary jónindegi ýákil jan-jaqty yntymaqtastyq aıasynda balalardyń quqyǵyn qorǵaýǵa qatysty biraz túıitkilder anyqtalǵanyn aıtty.
"Biz baıqaǵan problemanyń biri - memlekettik balalar ınternatyndaǵy balalarǵa qatysty zorlyq-zombylyq. ıÝNISEF pen Norvegııa elshiligi birge júrgizgen joba aıasynda biz 4 óńirde 4609 balany, 40 jetekshi qyzmetker men 40 mekteptiń 917 muǵalimin saýalnamaǵa qatystyrdyq. Sonda anyqtaǵanymyz, osy saýalnamaǵa qatysqan balalardyń 66,3%-y mektepte qysym kóretinderin, tóbeleske kýá bolyp nemese ózderi zorlyq-zombylyqqa dýshar bolǵanyn aıtqan. Myna máselege mán berińizder, ınternat qyzmetkerleriniń 40%-y balalardy uryp-soǵady eken, bul árıne zańǵa múlde qaıshy áreket. Bul quqyq qorǵaý organdary tarapynan nazar aýdarýdy talap etetin másele", - dedi A.Shákirov.
