«Intergaz Ortalyq Azııa» AQ birinshi jartyjyldyqty qorytyndylady
ASTANA. Shildeniń 28-i. QazAqparat - Aǵymdaǵy jyldyń birinshi jartyjyldyǵynda «Intergaz Ortalyq Azııa» AQ-nyń magıstraldyq gaz qubyrlary arqyly tasymaldaǵan gazynyń jalpy kólemi 51, 683 mlrd. tekshe metrdi qurasa,
onyń ishinde ishki tasymaldaý kólemi - 4, 647 mlrd., halyqaralyq gaz tranzıti - 41, 234 mlrd., gazdy eksportqa tasymaldaý kólemi 5, 801 mlrd. tekshe metrge jetti. Bul aqparatty «QazMunaıGaz» ulttyq kompanııasynyń baspasóz qyzmeti taratyp otyr.
Vedomstvonyń atap ótýinshe, kompanııa aǵymdaǵy jyly 94 mlrd. tekshe metr gaz tasymaldaýdy kózdeýde.
Birinshi jartyjyldyqta «Intergaz Ortalyq Azııa» AQ -nyń óz qarajaty esebinen kúrdeli salymdary 9 654, 9 mln. teńgeni, onyń ishinde óndiriske 8 525, 7 mln. teńgeni qurady. 2009 jyldyń sáıkes kezeńimen salystyrǵanda ósim 4 070, 6 mln. teńgeni nemese 72 paıyzǵa jetti. Sondaı-aq aǵymdaǵy jyly kompanııa AQ óz qarajaty esebinen kúrdeli salym kólemin 40 112, 3 mln. teńgege jetkizýdi kózdep otyr. Aǵymdaǵy jyldyń qańtar-maýsym aılarynda kompanııa respýblıka bıýdjetine jalpy somasy 6 241 mln. teńge salyqtar men tólemderdi tóledi.
«Intergaz Ortalyq Azııa» AQ magıstraldy gaz qubyrlaryn jóndeý men jańartýǵa bólinetin qarjyny turaqty túrde arttyrýda jáne aldaǵy kúnderi jóndeý jumystarynyń qarqynyn kúsheıtýdi josparlap otyr. Bul Qazaqstannyń barlyq gaz tasymaldaý júıesiniń senimdiligin nyǵaıtýǵa múmkindik beredi. Gaz tasymaldaý júıesi nysandaryn qaıta jańartý jáne paıdalaný barysynda jańa tehnologııalardy qoldaný, joǵary senimdilikti, únemdilikti ári tehnologııalyq úrdisterdi kemeldendirýdi qamtamasyz etetin zamanaýı qurylǵylardy, tetikterdi, sondaı-aq qural-jabdyqtardy engizý kompanııanyń negizigi ustanymy bolyp qala beredi», delingen baspasóz habarlamasynda.
