«Inter» klýbtar arasyndaǵy Álem chempıonatynda teń oıynmen bastady

ASTANA. KAZINFORM — Italııanyń «Inter» komandasy fýtboldan klýbtar arasyndaǵy álem chempıonatyn teń oıynmen bastady.

E tobynda synǵa túsip jatqan ıtalııalyq klýb alǵashqy kezdesýinde Meksıkanyń «Monterreı» komandasymen sheberlik baıqasty.

Oıyn barysynda alǵashqy bolyp esepti meksıkalyq fýtbolshylar ashty. Olardyń qatarynan Serhıo Ramos 25-mınýtta mergendik tanytty.

Oǵan «Inter» sapynan Laýtaro Martınes 42-mınýtta bir golmen jaýap qaıyrdy. 
Osylaısha komandalar 1:1 esebine qanaǵat bildirip tarasty.
Sondaı-aq atalǵan topta Argentınanyń «Rıver Pleıt» komandasy Japonııanyń «Ýrava Red Daımonds» klýbyn 3:1 esebimen jeńdi.

Al F tobynda Ońtústik Koreıanyń «Ýlsany» Ońtústik Afrıkanyń «Mamelodı Sandaýnz» klýbyna 0:1 esebimen jol berdi.

Dop dodasynda 32 komanda synǵa túsedi. Komandalar 8 topqa bólindi. Ár topta 4 klýbtan oıyn kórsetedi, olardyń ekeýi pleı-off kezeńine shyǵady.

Álem chempıonatynyń júlde qory 1 mıllıard AQSh dollaryn quraıdy. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi.