Intellektýaldyq mamandyq ıeleri kýrerlerden kóp tabys tabý úshin ne isteý kerek
ASTANA. KAZINFORM — Bul másele boıynsha elimizde qordalanǵan túıtkilder bar. Bul jóninde Ekonomıkalyq zertteýler ınstıtýtynyń 65 jyldyǵyna arnalǵan dıskýssııalyq jıyn barysynda bas ǵylymı qyzmetker Sara Alpysbaeva málimdedi.
— Búginde jetkizýshi nemese tasymaldaýshy azamattar ıntellektýaldyq eńbek ókilderinen kóp tabys tabady. Múmkin bul jahandyq trend shyǵar. Ýaqytsha da bolýy yqtımal. Biraq bul máseleni sheshý kerek. Joǵary bilimdi jastar nege sondaı qarapaıym salalarǵa ketedi? Demek, joǵary ıntellektýaldyq deńgeıdi qajet etetin mamandyqtardyń tabysyn arttyrý kerek, — dedi ol.
Sonymen birge, mamannyń sózinshe, mundaı máselelerdi qysqa ýaqytta jedel sheshý qıyn.
— Qazaqstanda JІÓ-niń 0,15-016%-y ǵana ǵylymı zertteýlerge bólinedi. Al jan basyna shaqqanda, JІÓ-si bizdiń elimizben birdeı ózge memleketterde bul kórsetkish anaǵurlym joǵary, ıaǵnı 1%. AQSh, Qytaı, Eýropa elderinde ǵylymı zertteýlerge JІÓ-niń 5%- ǵa deıin mólsheri bólinedi. Tipti, ekonomıkalyq qıyndyqtarǵa tap bolyp otyrǵan Reseıde de solaı. Demek, Qazaqstanda bul másele keshendi túrde taldaýdy jáne júıeli túrde sheshýdi qajet etedi, — dedi ol.
Aıta keteıik, buǵan deıin elimizde árbir úshinshi adam mamandyq boıynsha jumys istemeıtinin jazǵanbyz.
