Intel korporatsııasynyń negizin qalaýshy dúnıeden ótti
ASTANA. QazAqparat - Amerıkandyq Intel korporatsııasynyń negizin qalaýshy Endrıý Groýv dúısenbi kúni 79 jasynda dúnıeden ótti. Bul týraly kompanııanyń saıtynda jarııalanǵan habarlamada aıtylǵan, dep jazady TASS.
«Biz Intel korporatsııasynyń burynǵy dırektorlar keńesiniń tóraǵasy jáne bas dırektory Endı Groývtyń dúnıeden ótýine baılanysty qatty qaıǵyrýdamyz. Ol mamandardyń, kásipkerlerdiń jáne bıznesmenderdiń tutas urpaǵyn jigerlendire otyryp, qoldan kelgenniń barlyǵyn jasady», - delingen málimdemede.
Groýv 1936 jyly Býdapeshtte týǵan. 20 jyldan keıin AQSh-qa emmıgratsııaǵa ketti, onda joǵary bilim alyp, 1968 jyly basqa da mamandarmen birge Intel korporatsııasynyń negizin qalady.
Intel - elenktrondy qurylǵylar jáne chıpsetter men mıkroshemalardan protsessorlarǵa deıin kompıýter bólshekterin jasaıtyn tehnologııalyq kompanııa.
