Intel kompanııasynyń tabysy 13 paıyzǵa tómendedi
ASTANA. 18 qańtar. QazAqparat - 2012 jylmen salystyrǵanda Intel kompanııasynyń taza tabysy 13 paıyzǵa 11 mlrd. dollardan 9,6 mlrd. dollarǵa tómendedi, dep habarlaıdy Kapital.kz.
Kompanııanyń 2013 jylǵy túsimi 52,7 mlrd. dollardy kórsetti. Kompanııanyń málimetinshe, onyń operatsııalyq tabysy 12,3 mlrd. dollardy, aktsııadan túsken tabys 1,89 mlrd dollardy qurady. Operatsııalardyń nátıjesinde korporatsııa 20,9 mlrd. dollar shyǵyn shyǵaryp, 4,5 mlrd. dollar kóleminde dıvıdent tólep, 94 mln. óz aktsııalaryn satyp alýǵa 2,1 mlrd. dollar jumsaǵan.
2014 jylǵa jasalǵan boljam boıynsha kompanııanyń túsimi 2013 jylǵy kórsetkishpen birdeı bolmaq. Intel kompanııasynyń jobalardy zertteý, daıyndaý jáne marketıng pen basqarýǵa josparlanǵan shyǵyny 18,6 mlrd. dollardan aspaıtyn bolady. Sondaı-aq, birinshi toqsanda túsim 12,8 mlrd. dollar kóleminde, al marketıng jáne basqa da jumystarǵa jumsalatyn qarjy 4,8 mlrd. dollar bolady, degen boljam bar.
