«Intel Core» 2-shi býyn protsessory korporatsııa tarıhyndaǵy eń úlken jetistik - Dmıtrıı Kısel
ALMATY. 18 naýryz. QazAqparat /Názıra Eleýhan/ - Almatyda Intel korporatsııasy Almatyda ótken arnaıy kórmede mass-medıa ókilderi men Ortalyq Azııa men Kavkaz aımaǵyndaǵy áriptesterine «Intel Core» 2-shi býyn protsessorynyń tanystyrylymyn ótkizdi.
Qazaqstandaǵy Intel kompanııasynyń aımaqtyq dırektory Dmıtrıı Kıseldiń aıtýynsha, jańa ónim korporatsııa tarıhyndaǵy eń úlken jetistik. «Intel Core 2-shi býynynyń ( Sandy Bridge kodtty ataýly protsessorlyq mıkroarhıtektýra) shyǵýy ındýstrııadaǵy mańyzdy oqıǵa. Bul protsessor óz boıyna eń úzdik ónimderdiń qasıetin jáne 3D-grafıkanyń jańa tehnologııalaryn jınaǵan. Protsessor jetekshi 32-nanometrlik tehnologııanyń barlyq normalaryna saı shyǵarylǵan. Endi, grafıkalyq ıadro protsessormen birge bir krıstalda yqpaldasatyn bolady»,-dedi ol.
Kórmede Intel® Quick Sync Video, jańartylǵan Intel® Turbo Boost 2.0. tehnologııalary, sonymen qatar, 2-shi býyn protsessorlaryna jatatyn mobıldi jáne ústelge arnalǵan Acer*, Alser*, ASUS*, Lenovo*, Logycom* kompıýterleriniń protsessorlary jáne taǵy da basqa atalmysh kompanııanyń ónimderi tanystyrylyp, artyqshylyqtary men erekshelikteri aıtyldy.
Dmıtrıı Kıseldiń aıtýynsha, jańa ónimder qoldanýshylarǵa jańa úlken múmkindikter bermek.
