Prezıdent 2028 jylǵy Olımpıada oıyndaryna daıyndyq josparymen tanysty

ASTANA. KAZINFORM – Prezıdent Integra Construction KZ benefıtsıar menshik ıesi Shahmurat Mútálipti qabyldady, dep habarlaıdy Aqorda.

Qasym-Jomart Toqaevqa iri ınfraqurylymdyq jobalardy júzege asyrý jáne óndiristik, turǵyn úı, áleýmettik nysandardy salý jóninde baıandaldy.

Sondaı-aq Prezıdentke kompanııanyń qurylys pen temir jol salalarynda iske asyryp jatqan halyqaralyq bastamalary týraly aqparat berildi.

Memleket basshysy el ekonomıkasy úshin máni zor jobalardy sapaly ári ýaqtyly oryndaýdyń mańyzdy ekenin atap ótti.

Shahmurat Mútáliptiń aıtýynsha, Integra Construction KZ birqatar áleýmettik jobany qolǵa alǵan. Máselen, kompanııa Almaty qalasyndaǵy «Baǵanashyl» balalar úıin 5 mıllıard teńge jeke qarajaty esebinen qaıta jóndeýdi bastady.

Sonymen qatar Prezıdentke Qazaqstan boksynyń qazirgi jaı-kúıi men jetistikteri, onyń ishinde ulttyq quramanyń nátıjeleri, 2028 jylǵy Olımpıada oıyndaryna daıyndyq jospary men kelesi jylǵa qoıylǵan mindetter jaıynda málimet berildi.

Aıta keteıik, Prezıdent Vetnam Kommýnıstik partııasy Ortalyq komıtetiniń Bas hatshysyna kóńil aıtty.