Instıtýtsıonaldy jáne qurylymdyq reformalar der kezinde bastaldy - sarapshy

ASTANA. QazAqparat - Qazaqstanda ınstıtýtsıonaldy jáne qurylymdyq reformalar der kezinde bastaldy, deıdi Ekonomıkalyq zertteýler ınstıtýty basqarma tóraǵasynyń birinshi orynbasary Áset Erǵalıev.

Ol bul pikirin Memleket basshysy Nursultan Nazarbaevtyń «Ult jospary - qazaqstandyq armanǵa bastaıtyn jol» atty maqalasyna qatysty aıtty.
«100 naqty qadam aıasynda Qazaqstan qolǵa alǵan ınstıtýtsıonaldy jáne qurylymdyq reformalar der kezinde bastalyp otyr.
Sarapshy retinde, bunyń eki naqty dálelin aıta alamyn. Birinshiden, bolashaqta álem shynaıy ekonomıkalyq jaǵdaıǵa jumys istep, bul óz kezeginde memleketterdiń túbegeıli jańa ınstıtýtsıonaldyq ortada damýyn talap etedi. ıAǵnı, shynaıy ekonomıkalyq jaǵdaıda ǵana reformalar júrgizgen memleket básekege qabiletti, ekonomıkadaǵy ósimi bar memleket bolady»,-deıdi Á.Erǵalıev.
Sarapshynyń aıtýynsha, reforma júrgizýdiń ekinshi sebebi - Qazaqstannyń damyǵan 30 eldiń qataryna qosylýy jónindegi maqsaty.
«Ekinshiden, bizdiń maqsatymyz - 2015 jylǵa qaraı damyǵan 30 eldiń qataryna qosylý. Al, bul óte joǵary deńgeıdegi ınstıtýtsıonaldy jáne qurylymdyq damýdy talap etedi», - dedi Á.Erǵalıev.