Instagramda sporttyq oıyndarǵa aqsha tikkender san soǵyp qaldy
ASTANA. QazAqparat - Áleýmettik jeli arqyly sporttyq oıyndarǵa aqsha tigemin dep san soǵyp qalǵan jeli paıdalanýshylarynyń isi tergelip jatyr, dep habarlaıdy Astana qalasy ІІD baspasóz qyzmeti.
Internet-alaıaqtarǵa qatysty tergeý júrgizip jatqan astanalyq polıtseıler shaǵymdanýshylardy «Saryarqa» aýdandyq ishki ister basqarmasyna habarlasýdy suraıdy.
Bul iske qatysty kúdiktiler adamdardyń senimine kirip, áleýmettik jeliler jáne tólem júıeleri arqyly alaıaqtyqpen aınalysqan. Olar «Instagram» jelilerinde @bayur_bet, @satik.betting, @nursik.kozhin degen ataýlarmen tirkelgen.
Bul akkaýnt ıeleri negizinen aınalysqan áreket - sporttyq oıyndarǵa bás qabyldaý. Aldymen paıdalanýshylar kıvı-ámııandarǵa 20 000 teńge salý qajet bolǵan, alaqtar bul soma bir táýlik ishinde bes ese kóbeıedi dep ýáde bergen. Keıin aqshany qaıtarmaı, telefondaryn óshirip, izin sýytyp ketip otyrǵan.
Qazirgi ýaqytta aldanǵan paıdalanýshylar aqshalaryn jibergen kelesi kıvı-ámııandar belgili: + 7 778 883 58 45, +7 775 414 92 74, + 7 708 853 71 44, +7 778 095 26 93, +7 778 227 57 33, + 7 700 684 64 13, +7 778 333 06 84, + 7 778 946 44 16, + 708 213 47 83, + 7 775 414 70 35, + 7 702 617 18 56, +7 707 237 72 59.
Polıtsııa bólimshesine aryz berý kezinde jábirlenýshilerde ámııandardy toltyrǵan kvıtantsııalary jáne alaıaqtarmen bolǵan áńgimesiniń skrınshottary bolýy tıis.
foto:evrikak.ru
