Instagramda «Qazaq arýy» baıqaýy sulýlarynyń jańa fotosýretteri jarııalandy (FOTO)
ASTANA. QazAqparat - «Qazaq arýy» sulýlyq baıqaýynyń Instagram áleýmettik jelisindegi resmı paraqshasynda eldiń eń sulý qazaq qyzy ataǵyna úmitker boıjetkenderdiń fotosýretteri paıda boldy.
Baıqaýǵa daıyndyq aıasynda boıjetkender tanymal qazaqstandyq fotograf Dýman Qasymnyń fotosessııasyna tústi. Baıqaýdyń uıymdastyrýshysy - qazaqstandyq prodıýser Baıan Esentaeva. Esep boıynsha altynshy bolyp tabylatyn «Qazaq arýy-2016» ulttyq baıqaýynyń kastıngi Almatyda 24 jáne 25 qańtar kúnderi, Astanada - 30 jáne 31 qańtarda ótken.
Astanada ótken kastıng kezinde qazylar alqasynyń quramyna mýzykalyq prodıýserler Baıan Esentaeva, Baǵym Muhıtdenova, «Habar» telearnasynyń baǵdarlamalar shyǵarý dırektsııasynyń bas dırektory Rınat Kertaev pen «Alaý» tobynyń dırektory Nazym Basqynbaeva kirdi.
Baıqaýdyń aqtyq kezeńine 21 úmitker boıjetken ilikti. Baıqaýǵa eń jas qatysýshynyń jasy 16-da, eń eresegi - 22-de. Boıjetkenderge qoıylǵan negizgi talaptardyń arasynda sulýlyq, boıynyń 170 sm.-den tómen bolmaýy, 16-22 jas aralyǵy, qazaq tilinde sóıleý, uzyn shash, qazaq halqynyń tarıhyn, dástúrlerin jáne salttaryn jaqsy bilýi kórsetilgen.
Dástúr boıynsha, fınal birneshe kezeńnen turady.
Ótken jyly «Qazaq Arýy-2015» ataǵyna Qaraǵandy oblysynyń turǵyny Kámshat Qoskelova ıe bolǵan. Ol basty júlde - altyn táj ben avtomobılge ıe boldy.
