Instagram jelisinde Qyrǵyzstan prezıdentiniń resmı paraqshasy ashyldy
ASTANA. QazAqparat - Instagram jelisinde Almazbek Atambaevtyń resmı akkaýnty ashyldy. Bul týraly Qyrǵyzstan prezıdenti apparatynyń aqparattyq saıasat bóliminiń meńgerýshisi Almaz Úsenov málim etti, dep habarlaıdy kyrtag.kg.
«Taıaýda ǵana Instagram jelisinde almazbek_atambaev_official nıgimen prezıdenttiń resmı profılin qurdyq. Oǵan qyzyǵýshylardyń sany artty, akkaýntqa qazir 1 768 adam jazyldy», - dedi A.Úsenov.
Instagram jelisinde atambaev _ official nıgimen taǵy da bir akkaýnt tirkelgen. A.Úsenovtiń aıtýyna qaraǵanda, bul jalǵan paraqsha eken.
«Buryn bireý jalǵan profıl qurǵan bolýy kerek. Sondyqtan biz resmı paraqsha ashý kerek dep sheshtik. Instagram jelisindegi resmı prezıdent paraqshasyn memleket basshysynyń qyzmetine arnaımyz. Osyndaı akkaýnttar Twitter, Facebook-te bar, sondaı Youtube vıdeohostınginde arnamyz ashylǵan», - deıdi A.Úsenov.
