Instagram jazbalardy kórsetý retin ózgertedi
ASTANA. QazAqparat - Instagram qosymshasy hronologııalyq prıntsıpten bas tartyp, paıdalanýshylardyń taspasyndaǵy foto jáne vıdeolardy kórsetý retin ózgertedi, dep habarlandy fotoservıstiń blogynda.
«Sizdiń taspańyzda jaqyn arada, bizdiń paıymymyz boıynsha sizderge qyzyqty materıaldar aldyńǵy kezekte turady», - delingen kompanııanyń habarlamasynda.
Servıs qyzmetkerleri óz sheshimin aqparat kóleminiń ósýine baılanystyryp otry, óıtkeni paıdalanýshylar ortasha alǵanda 70% jazbany kórmeı qalady, sondyqtan onyń ishinde mańyzdylaryn nazardan tys qaldyrmaý kerek.
Osylaısha, Instagramda jarııalanǵandardyń kórsetý reti Feısbýk áleýmettik jelisine barynsha uqsap keledi.
Eske sala ketsek, bul áleýmettik jeli fotoservıs qosymshasyn 2012 jyly satyp alǵan, dep habarlaıdy Bı-Bı-Sı agenttigi.
