Instagram vaktsınaǵa qarsy heshtegterdi buǵattaıdy
NUR-SULTAN. QazAqparat Instagram ekpe týraly jalǵan aqparat taratý úshin qoldanylatyn heshtegterdi buǵattaıtynyn habarlady.
VVS basylymynyń jazýynsha, áleýmettik jeli #vaccinescauseautism sekildi jalǵan aqparat qamtıtyn heshtegti buǵattaǵan.
«Áleýmetitk jeli endi vaktsınaǵa qarsy jalpylama heshtegterdi de buǵattaıtynyn aıtty. Degenmen, áleýmettik jeli ókilderiniń aıtýynsha, bul heshtegterdi taratatyn akkaýnttar men adamdarǵa qarsy eshqandaı áreket qoldanylmaıdy», dep jazady avtor.
Onyń jazýynsha, dáleli bar jalǵan pikirge negizdelgen heshtegter birden buǵattalady.
«Bul heshtegter qoǵamdyq pikirge keri áser etedi. Dúnıejúzilik densaýlyq saqtaý uıymynyń usynysymen, osyndaı sheshim qabyldanyp otyr. Ázirge #vaccinescauseaids jáne #vaccinesarepoison heshtegteri buǵattaldy», dep jazady avtor.
Degenmen, beıtarap heshtegter paıdalanylyp, jalǵan aqparat taratylýy múmkin ekenin joqqa shyǵarýǵa bolmaıdy.
Aıta ketý kerek, aqpan aıynda YouTube ekpege qarsy jarnamalardy kórsetýge tyıym salǵan bolatyn. Al Dúnıejúzilik densaýlyq saqtaý uıymynyń málimetinshe, 2019 jyly «densaýlyqqa tóngen jahandyq qaýiptiń alǵashqy ondyǵynda» vaktsınaǵa qarsy kózqarastar tur.
