Instagram uzaqtyǵy 1 saǵatqa deıin jetetin vıdeo salýǵa múmkindik jasamaq

NЬıÝ-IORK. QazAqparat - Instagram jelisi kóp uzamaı óz qoldanýshylaryna 1 saǵattyq beınerolıkterdi júkteýge múmkindik berýi yqtımal, dep habarlaıdy TASS The Wall Street Journal gazetine silteme jasap.

Basylym habarlaǵandaı, Instagram jelisi tıesili Facebookte qoldanýshylar salatyn beınerolıkterdiń uzaqtyǵyn sozýdy qarastyryp jatyr. Qazirgi tańda ınstagramǵa eń uzaǵy 1 mınýtqa sozylatyn vıdeo salýǵa ǵana bolady.

Sonymen qatar, jańa ózgertýler tek tiginen túsirilgen beınelerge qatysty bolýy múmkin ekeni aıtyldy. Mundaı formatty Instagram Stories fýnktsııasy ǵana júzege asyra alady. Onyń kómegimen 24 saǵat boıy qoljetimdi sýretter men uzaqtyǵy 15 sekýndke jetetin qysqa vıdeolar salýǵa bolady.

Ázirge bir saǵattyq rolıkter tek Instagram Stories-ke nemese túgeldeı jelige qatysty bolady ma, joq pa - belgisiz. Qalaı bolǵanda da, gazette aıtylǵandaı, jańa ózgertýlerdi engizý jóninde naqty sheshim áli qabyldanbady jáne jospar ózgerýi múmkin.