Instagram on jasar hakerge 10 myń dollar tóledi
ASTANA. QazAqparat - Helsınkı turǵyny oqýshy ıAnı Instagram qosymshasyndaǵy kemshilikti tapqany úshin 10 000 dollardyń chegin aldy. Ol pikir jazatyn jerge qaýipti kod qoıyp basqalardyń pikirlerin óshiretin múmkindiktiń bar ekenin baıqaǵan, dep jazady fortune.com.
Mektep oqýshysynyń aıtýyna qaraǵanda, ol Djastın Bıberdiń akkaýntyna shabýyl jasaýǵa múmkindigi bolypty. Alaıda jetkinshek kerisinshe túıtkildi jaǵdaıdy Instagram mamandaryna habarlaǵan. Olar oqýshyǵa alǵys retinde qomaqty soma bergen. Osylaısha Fınlıandııanyń jetkinshegi baǵdarlamalardyń qate tustaryn tabýǵa tyrysatyn servıstiń eń jas qatysýshysyna aınaldy.
ıAnı tapqan aqshasynyń bir bóligine velosıped satyp almaqshy. Ol óskende kıber qaýipsizdik mamandyǵyn tańdaıtynyn aıtýda.
