Instagram-da jańalyqtar lentasy paıda bolmaq
ASTANA. QazAqparat - Instagram fotoservısi jańalyqtar lentasyn iske qospaq. Jeli bul sheshimdi óz paıdalanýshylaryn kóbeıtý maqsatynda qabyldady, dep habarlady Infox.ru.
Instagram jańalyǵy paıdalanýshyǵa fotosýretter men beınerolıkter toptamasyn kórsetetin Explore paraǵynyń jańartylǵan nusqasyn qamtıdy. Materıaldar ony kórýshiler, laık basqandar men oǵan qaldyrylǵan pikirler sanyna sáıkes irikteledi. Іzdestirý kómegimen naqty jerler, adamdar men heshtegter boıynsha qajetti sýretter men vıdeorolıkterdi tabýǵa bolady. Nátıjesinde qosymshanyń 300 mln paıdalanýshylary úshin kún saıyn júkteletin kontent (onda 70 mln astam fotosýretter men vıdeolar bolady) qoljetimdi bolady.
