Instagram-da tek qazaq tilindegi buıryqty eki etpeıtin Maılybek atty ıttiń qylyqtary jurtty tánti etti
ASTANA. KAZINFORM – Instagram áleýmettik jelisinde Maılybek atty ıttiń ıesi túsirgen vıdeolar kúnnen-kúnge tanymal bolyp keledi. Eń qyzyǵy Maılonyń ıesi oǵan tek qazaq tilinde sóılep, buıyrsa, ótinish aıtsa quıryǵyn bulǵańdatyp, aıtqanyn eki etpeı oryndaıdy.
Temirlan Tospaev esimdi blogerdiń tórt aıaqty dosy Maılybek Instagram áleýmettik jelisinde kóptiń júregin jaýlap úlgerdi. Tek qazaq tilinde án tyńdap, bılegendi jaqsy kóredi. Tipti mýltfılmdi de tek memlekettik tilde kórgendi unatatyny kópshiliktiń qyzyǵýshylyǵyn týdyrdy.
Súıkimdi tóbettiń qylyqtaryna súısingen jeli qoldanýshylary túrli pikir qaldyryp, tańdanystaryn bildirdi.
Maılonyń qazaq tiline degen súıispenshiligi men mahabbatyn baǵalaǵan oqyrmandar «Mynany Tına kórmesin, áıtpese Qazaqstanda ıtter orys tilin qorlap júr dep», «Júregi qazaq dep soqqan Maılo jasaı ber, ár otbasyna sendeı bir Maılybek kerek eken», «Qazaqsha sóıleı almaı jatqan qazaq depýtattarǵa úlgi bolsyn Maılomyz» degen syndy túrli kommentarıı qaldyrǵan.
