Instagram - adam psıhıkasyna keri áser etetin áleýmettik jeli
Brıtandyq áleýmettik jelini paıdalanýshylar Instagram-dy adam psıhıkasyna keri áser etetin áleýmettik jeli dep baǵalaǵan. Bul Brıtanııada júrgizilgen saýalnama nátıjesinde anyqtaldy, dep jazady bbc.com saıty.
Koroldiktiń densaýlyq saqtaý qoǵamy júrgizgen zertteýge 14-24 jastaǵy 1479 adam qatysqan. Olar eń tanymal bes áleýmettik jeli paıdalanýshylarynyń psıhıkasyna zııany boıynsha saýalnamaǵa jaýap berdi. Zertteýge YouTube, Instagram, Snapchat, Facebook jáne Twitter áleýmettik jelileri tańdalǵan.
Saýalnama nátıjesine sáıkes jastarǵa YouTube, Twitter men Facebook oń áser etse, Instagram jelisi kersinshe brıtan jastarynyń kúızeliske túsýine áser etken.
Bul rette zertteýshiler áleýmettik jelini shamadan tys maqsatsyz paıdalaný jastardyń psıhıkasymen baılanysty problemalardy ýshyqtyrady dep esepteıdi.
