Inspektorlar shaǵyn kólemdi kemelerge qatysty 700 zań buzýshylyqty anyqtady
ASTANA. QazAqparat - Jazda shaǵyn kólemdi kemelerdi paıdalanýǵa qatysty 700 zań buzýshylyq anyqtaldy, dep habarlaıdy QazAqparat QR IDM baspasóz qyzmetine silteme jasap.
Qazaqstanda sý kóligi qaýipsizdigin qamtamasyz etýge baǵyttalǵan jyl saıyn ótetin «Skýter» aktsııasy aıaqtaldy. Jazǵy maýsymda QR IDM Kólik komıtetiniń ınspektorlary 4,2 myń shaǵyn kólemdi - katerlerdi, gıdrotsıklderdi jáne motorly qaıyqtardy tekserdi.
«Tekserister nátıjesinde 700 zań buzýshylyq anyqtaldy. Olardyń ishinde jeke qutqarý quraldarynsyz kemelerdi paıdalaný, keme qujattarynyń bolmaýy jáne jeke tulǵanyń sáıkes quqyǵynsyz kemeni basqarý sııaqty zań talaptaryn oryndamaý faktileri jıi kezdesedi», - delingen habarlamada.
Tekseristerden bólek, komıtettiń aımaqtyq organdary keme ıelerimen, shaǵyn kólemdi kemelerdiń turaqtary jáne demalys oryndary ıelerimen shaǵyn kólemdi flotty paıdalaný máseleleri boıynsha profılaktıkalyq sharalardy ótkizdi.
