Insbrýkte jasóspirimder arasyndaǵy І Qysqy Olımpıada oıyndarynyń alaýy tutandy
ASTANA. 14 qańtar. QazAqparat - Avstrııanyń Insbrýk qalasynda jasóspirimder arasyndaǵy І Qysqy Olımpıada oıyndarynyń alaýy jaǵyldy, dep habarlaıdy France 24.
Áserli qoıylymdarmen súıemeldengen saltanatty ashylý rásimi 15 myń kórermenniń qatysýymen Bergıseldiń ashyq alańynda ótti.
«Sizder 70 myń elden bir-birlerińizben jarysý úshin ǵana emes, bir-birlerińizden úırený úshin de keldińizder», - dedi jınalǵandarǵa óziniń quttyqtaý sózinde Halyqaralyq olımpıada komıtetiniń basshysy Jak Rogge.
Insbrýk Olımpıadany úshinshi ret qabyldap otyrǵan tarıhtaǵy birinshi qala boldy. Buǵan deıin osyndaı deńgeıdegi jarystar 1964 jáne 1976 jyldary ótti. Bul joly olımpıada alaýyn tutandyrý qurmeti avtrııalyq taý shańǵyshysy, jyldamdyqpen túsýden 1964 jylǵy olımpıada chempıony Egon Tsımmermanǵa berildi. 22 qańtarǵa deıin jalǵasatyn jarystar baǵdarlamasynda júldelerdiń 63 jıyntyǵy oınatylady, dep habarlaıdy RBK.
Jarystyń barlyq qatysýshylary - 14-ten 18 jasqa deıingi jastar bolǵandyqtan, uıymdastyrýshylar olar úshin birqatar jaǵymdy syılyqtar da ázirledi.
