Innovatsııalyq turǵydan ozyq el bolý maqsaty aldyńǵy qatarǵa shyqty — Toqaev
ASTANA.KAZINFORM — Jasandy ıntellekt pen tsıfrlandyrý úderisi túrki áleminiń damýyna jol ashýǵa tıis. Bul týraly búgin Túrki memleketteri uıymynyń beıresmı sammıtinde Prezıdent Qasym-Jomart Toqaev málim etti.
— Qazir búkil álem buryn-sońdy bolmaǵan ózgeristermen betpe-bet keldi. Jańa syn-qaterler paıda boldy. Dúnıejúzinde tehnologııalyq báseke kúsheıdi, ıaǵnı, ınnovatsııalyq turǵydan ozyq el bolý maqsaty aldyńǵy qatarǵa shyqty. Tehnologııalyq damý kez kelgen memlekettegi turaqtylyq pen qaýipsizdik faktoryna aınaldy. Bul — tsıfrlyq transformatsııaǵa der kezinde bet burǵan elder kósh sońynda qalmaıdy degen sóz. Sondyqtan Túrki keńesine múshe memleketter tehnologııalyq jańǵyrý úderisinen tys qalmaýy úshin birlese jumys isteýi kerek dep sanaımyz. Jasandy ıntellekt pen tsıfrlandyrý úderisi túrki áleminiń damýyna jol ashýǵa tıis, — dedi Qasym-Jomart Toqaev.
Budan buryn habarlanǵandaı, Búgin Túrkistan qalasynda Prezıdent Qasym-Jomart Toqaevtyń qatysýymen Túrki memleketteri uıymynyń beıresmı sammıti bastaldy. Sammıtke TMU-ǵa múshe memleketterdiń basshylary — Túrkııa prezıdenti Rejep Taııp Erdoǵan, Ózbekstan prezıdenti Shavkat Mırzıeev pen Qyrǵyzstan prezıdenti Sadyr Japarov, Ázerbaıjan prezıdenti Ilham Álıev keldi.
Jasandy ıntellekt jáne tsıfrlyq damý» taqyrybyna arnalǵan jıyn Qazaqstannyń tóraǵalyǵymen uıymdastyrylyp otyr.
Aıta keteıik, Memleket basshysy Túrki órkenıeti ortalyǵyn qurý týraly sheshim qabyldady.
