Innovatsııaǵa salynǵan ár teńge eki ese qaıtarym berdi – Jaslan Mádıev

ASTANA. KAZINFORM – Qazaqstanda ınnovatsııalyq jobalardy qoldaý naqty ekonomıkalyq nátıje berip otyr. Bul týraly Úkimet otyrysynda Premer-Mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev málimdedi.

Mınıstrdiń aıtýynsha, salalyq ınnovatsııalardy damytý tórt negizgi baǵyt boıynsha júzege asyrylyp jatyr.

– Jasandy ıntellekt jáne tsıfrlyq damý mınıstrligi salalyq ınnovatsııalardy damytý aıasynda tórt negizgi baǵyt boıynsha úılestirý jumystaryn júrgizip, tıisti jaǵdaılar qalyptastyryp jatyr. Birinshi – ónimdi ınnovatsııalardy yntalandyrý. Ekinshi – jer qoınaýyn paıdalaný salasyna ınnovatsııalyq sheshimderdi engizý. Úshinshi – Astana Hub platformasy arqyly ınnovatsııalyq ekojúıeni damytý. Tórtinshi – ınnovatsııalardy tartý ortalyǵy retinde eksponentsıaldy klaster qalyptastyrý, – dedi Jaslan Mádıev.

Onyń sózinshe, atalǵan baǵyttar aıasynda naqty nátıjeler de bar.

– 2025 jyly «Ónimdi ınnovatsııalardy yntalandyrý» jobasy aıaqtaldy. Onyń ekonomıkalyq áseri 53 mlrd teńgeden asty. ıAǵnı, salynǵan árbir teńge eki ese qaıtarym berdi. Joba aıasynda 90-nan astam ınnovatsııalyq joba qarjylandyrylyp, tehnologııalardy kommertsııalandyrý kólemi 35 mlrd teńgeden asty, – dedi mınıstr.

Sondaı-aq osy joba sheńberinde Tumar Ventures venchýrlik qory quryldy.

– Joba nátıjesinde 9 mlrd teńgeden astam jeke ınvestıtsııa tartylyp, 600-den astam jańa jumys orny ashyldy. Sondaı-aq bıýdjetke eleýli kólemde salyq túsimderi tústi, – dedi Jaslan Mádıev.

Mınıstrdiń atap ótýinshe, bul kórsetkishter ınnovatsııalardy qoldaý sharalarynyń tıimdi ekenin kórsetedi.

Aıta keteıik, buǵan deıin Ǵylym jáne joǵary bilim mınıstri Saıasat Nurbek Qazaqstanda ınnovatsııalardy damytý tujyrymdamasy qabyldanatynyn málimdegen edi.