Innovatsııa jáne tájirıbe: Qazaqstan delegatsııasy ShYU Joǵarǵy sottary tóraǵalarynyń HІH keńesine qatysty
TAShKENT. KAZINFORM – Tashkentte Shanhaı yntymaqtastyq uıymyna (ShYU) múshe memleketterdiń joǵarǵy sottary tóraǵalarynyń HІH keńesi ótti.
Іs-sharaǵa Ózbekstannyń Joǵarǵy soty, Úndistan, Iran, Belarýs, Qazaqstan, Qytaı, Qyrǵyzstan, Pákistan, Reseı, Tájikstan jáne Ózbekstan elderi joǵary satylarynyń basshylary qatysty. Qazaqstan tarapynan Joǵarǵy sot Tóraǵasy Aslambek Merǵalıev, Sot ákimshiliginiń basshysy Naıl Ahmetzakırov jáne Aqmola oblystyq sotynyń tóraǵasy Arman Júkenov qatysty.
A.Merǵalıev óz sózinde is-sharanyń ozyq tájirıbe almasý jáne halyqaralyq yntymaqtastyqty nyǵaıtý úshin mańyzy zor ekenin atap ótti. JS Tóraǵasy Memleket basshysynyń bastamasy boıynsha Qazaqstanda júrgizilip jatqan reformalarǵa jeke toqtaldy.
N.Ahmetzakırov pen A.Júkenov baıandamalarynda Qazaqstannyń sot júıesindegi jetistikterine toqtaldy. Olar tatýlastyrý rásimderin zańnamalyq yntalandyrýdy engizý talap qoıýlar sanyn qysqartýǵa múmkindik bergenin, al IT-tehnologııalardy damytý adamı resýrstardy aıtarlyqtaı bosatqanyn, sottaǵy qatelikter men sybaılas jemqorlyq táýekelderin barynsha azaıtqanyn aıtyp berdi.
Qazaqstandyq ınnovatsııalar joǵary baǵalanyp, keńeske qatysýshylar arasynda qyzý pikirtalas týdyrdy. Qazaqstandaǵy sot tóreliginiń tıimdiligine erekshe nazar aýdaryldy: eki jyl ishinde azamattardyń memleketke qarsy utqan daýlarynyń paıyzy 15 paıyzdan 60 paıyzǵa deıin ósti.
A.Merǵalıev is-shara aıasynda Qytaı, Reseı jáne Ózbekstan Joǵarǵy sottarynyń tóraǵalarymen ekijaqty kezdesý ótkizdi. Іs-shara sońynda JS tóraǵalary ózara pikir almasyp, birlesken málimdemeni qabyldaý rásimine qatysty. Kelesi keńes Qytaıda ótedi.
Qazaqtyń kórnekti memleket qaıratkeri Áıteke bıdiń 380 jyldyq mereıtoıy aıasynda Qazaqstan delegatsııasy onyń kesenesine bardy. Bul baǵdarlamanyń mańyzdy mádenı oqıǵasyna aınaldy.
