«Innovation man» baıqaýynyń jeńimpazdaryna «Nazarbaev Ýnıversıtetiniń», QBTÝ-dyń oqý granttary beriledi
ASTANA. QazAqparat - «Innovation man» - «QazMunaıGaz» UK AQ-nyń demeýshilik kómegimen KAZENERGY qaýymdastyǵy «Skolkovo» qory jáne Máskeý qalasynyń Polıtehnıkalyq murajaımen birlesip uıymdastyryp otyrǵan munaı-hımııa, munaı-gaz, atom jáne energetıka salasyndaǵy ınnovatsııalyq jobalardy ázirleýshilerdiń baıqaýy. Bul joba VIII «Jastar. Ǵylym. Innovatsııalar» jastar forýmy sheńberinde bastaý aldy. «Innovation man» baıqaýy ıntellektýaldyq daǵdylardy damytýǵa jáne ǵylymdy nasıhattaýǵa jańasha kózqaraspen qaraýǵa múmkindik beredi. Osy saladaǵy naqty kúrdeli máselelerdi sheshý úshin ınnovatsııalyq jobalardy engizý - basty maqsattardyń biri.
Baıqaý ІІ kezeńmen júrgiziledi, birinshisi - irikteý kezeńi, ekinshisi - jobany tanystyrý jáne qorǵaý kezeńi. Jobalardy irikteıtin І kezeńniń negizgi talaptaryna jobanyń jańalyǵy jáne ınnovatsııalyq quramdas bólikteri, tájirıbelik úlginiń nemese modeldiń, sondaı-aq iske asyrylǵan is-qımyldardyń bolýy, jobanyń kommertsııalyq áleýeti jáne iske asyrylýy, jobanyń ózektiligi jáne áleýmettik mańyzdylyǵy jatady. ІІ kezeńde jobany tanystyrý nemese qorǵaý negizinde jeńimpaz anyqtalady, osy oraıda irikteýdiń negizgi, qosymsha talaptaryna qosa fınalda tanystyrýdyń mazmundylyǵy, tanystyrý daǵdylary, sendire bilý, qatysýshynyń daryndylyǵy, sonymen qatar suraqtarǵa bergen jaýaptary sııaqty irikteý talaptar qoıylady. Quramyna KAZENERGY qaýymdastyǵy, «Skolkovo» qory jáne Máskeý polıtehnıkalyq murajaıynyń ókilderi kiretin baıqaý komıssııasynyń eki kezeń boıynsha shyǵarǵan qorytyndysy negizinde 3 ozat joba anyqtalady.
«Innovation man» baıqaýynyń jeńimpazdaryna «Nazarbaev Ýnıversıtetiniń», QBTÝ MVA dárejesine oqý granttary, «Skolkovo» qorynan 5 mln rýblge deıingi grant beriledi. Baıqaýdyń jeńimpazdary men júldegerlerine jas ınnovatorlary úshin uıymdastyrylyp, 2016 jyly ótkiziletin «Skolkovo» sharalaryna qatysýǵa, sonymen qatar X Eýrazııalyq KAZENERGY forýmynyń Energy4us: «Innovatsııalyq energetıka» kórmesi sheńberinde stendke qatysýǵa múmkindik beriledi.
Innovatsııalyq jobalardy ázirleýshilerdiń «Innovation man» baıqaýy osymen ekinshi ret ótkizilip otyr. Debıýttik joba 2014 jylǵy 8-qyrkúıekte Atyraýda uıymdastyryldy. Bul baıqaýǵa jalpy sany 20 adam qatysty. Bóketov at. QarMÝ ǵylymı qyzmetkeri Aısha Mataeva júldelik qory 300 000 teńgeni quraǵan óziniń «Nanokatalıttik júıelerdiń qatysýymen (200-300 S) munaıdyń orta fraktsııalaryn kavıtatsııalyq óńdeý» atty jobasymen baıqaý jeńimpazy atandy.
Ótinishter danara@kazenergy.com . elektrondy mekenjaıy boıynsha 2015 j. 31-shildede qabyldanady.
«Jańa energetıka kókjıekteri: yntymaqtastyq pen ınvestıtsııalar keleshegi» H Eýrazııalyq KAZENERGY forýmy Astana qalasynda qyrkúıektiń 29-y men qazannyń 1-i aralyǵynda ótetinin esterińizge salamyz. Sońǵy 10 jyl ishinde Eýrazııalyq KAZENERGY Forýmy tutas energetıkalyq ónerkásiptiń jáne munaı-gaz salasynyń kásiporyndaryn biriktiretin yqpaldy ári bedeldi dıalog alań retinde qalyptasty. Eýrazııalyq Forým Qazaqstannyń iri salalyq halyqaralyq is-sharasy bolyp tabylady.
