Innovatsııalyq jobalardyń halyqaralyq ІІІ HackDay baıqaýy bastaldy - Almaty
ALMATY. 10 mamyr. QazAqparat - Búgin Almatyda dástúrli túrde jyl saıyn ótetin halyqaralyq HackDay baıqaýy bastaldy.
Munda Qazaqstannyń barlyq aımaqtarynan 1000-nan astam baǵdarlama jasaýshylar, dızaınerler, óz isin jańadan bastaǵan rejısserler men medıa mamandary bas qosty.
Halyqaralyq aqparattyq tehnologııalar ýnıversıtetiniń qoǵammen baılanys jónindegi úılestirýshisi Avgýstına Adolftyń aıtýynsha, eki kúndik shara kezinde kez kelgen adam ınvestorlar nazaryn óz ıdeıasyn júzege asyrýǵa tarta alady. Bul úshin olarǵa 24 saǵat ishinde jobalar, rolıkter, fılmder jáne taǵy basqa servıstik ónimder jasap shyǵarýǵa múmkindik berilip, barlyq jaǵdaı jasalady. Tek qolyńnan qandaı is keletinin dáleldep, oǵan ózgelerdiń kózin jetkizýiń kerek.
«Baıqaý jumysy 3 sektsııa boıynsha júredi. Birinshisi, ıdeıadan prototıpke deıingi IT sektsııasy. Ol baǵdarlama jasaýshy nemese qosymshalardy ázirleýshilerge arnalǵan. Ekinshisi, kontent jáne medıa. Onda saıt ashýshylar men qandaı da bir servıs, blog jáne ózge de qyzyqty jobany oılap tabýshylar bas qosady. Úshinshisi, kıno jáne beıne. Onda ınternetke qatysty kez kelgen taqyryptaǵy shyǵarmashylyq jumystar (rolıkter, beıneblogtar, qysqa metrajdy fılmder, vırýstyq beıne) kórsetiledi», - deıdi A.Adolf. Onyń sózine qaraǵanda, bul baıqaýǵa qatysyp, ınvestorlar tartý arqyly óz ıdeıasyn júzege asyrýshylar sany jyl ótken saıyn artyp kele jatyr. Naryqta buryn bolmaǵan jańa ónimder saýdaǵa shyǵarylýda. Sonyń biri - jumys kezinde qaıta-qaıta tilin aýystyrmastan birden qazaq tilinde terýge múmkindik beretin kompıýter klavıtýralary. Onyń tapsyrys arqyly Qytaıda jasalǵan alǵashqy partııasy osy jıyn kezinde jurtshylyq nazaryna usynylǵaly otyr.
