«Innovatsııalyq tehnologııalar parki» ınnovatsııalyq klaster máseleleri boıynsha zań jobalary qaraldy
ASTANA. QazAqparat - Búgin Qazaqstan Respýblıkasy Parlamenti Senaty Áleýmettik-mádenı damý jáne ǵylym komıtetinde «Innovatsııalyq tehnologııalar parki» ınnovatsııalyq klasteri týraly» zań jobasy qaraldy.
Zań jobasynyń maqsaty «Innovatsııalyq tehnologııalar parki» arnaıy ekonomıkalyq aımaǵynyń (ITP AEA) erekshe mártebesin, «Innovatsııalyq tehnologııalar parki» derbes klasterlik qormen sheteldik jumys kúshin tartýdyń erekshelikterin jáne ITP AEA-y qatysýshylaryn tirkeýge jáne olardyń qyzmetine qoıylatyn talaptardy aıqyndaý bolyp tabylady.
Osyǵan oraı, «ınnovatsııalyq klaster» túsinigi engizilip otyr, ınnovatsııalyq klasterdi basqarýdyń jańa uıymdastyrýshylyq-quqyqtyq nysany - «derbes klasterlik qor» kózdelgen, onyń qyzmetti júrgizgen kezde derbestigi, qatysýshylardy qoldaý úshin qarjylaı quraly jáne ruqsattardy almaı-aq sheteldik jumyskerlerdi tartý quqyǵy bar. Budan basqa, ITP AEA basqarý organdarynyń fýntsııalaryn oryndaýǵa qordyń memlekettik tapsyrma alý múmkindigi, eksaýmaqtylyq qaǵıdaty boıynsha ITP AEA-qatysýshylarynyń qataryna qosý rásimin jeńildetý men 2018 jylǵa deıin eksaýmaqtylyq qaǵıdatyn uzartý jónindegi normalarmen tolyqtyryldy.
Komıtette sondaı-aq «Qazaqstan Respýblıkasynyń keıbir zańnamalyq aktilerine «Innovatsııalyq tehnologııalar parki» ınnovatsııalyq klasteri máseleleri boıynsha ózgerister men tolyqtyrýlar engizý týraly» zań jobasy da qaraldy. Zań jobasynyń maqsaty keıbir zańnamalyq aktilerdiń erejelerin «Innovatsııalyq tehnologııalar parki» ınnovatsııalyq klasteri týraly» Qazaqstan Respýblıkasy Zańy jobasynyń normalaryna sáıkes keltirý bolyp tabylady. Osyǵan baılanysty Azamattyq kodekske, Jer, Bıýdjet kodeksterine, «Salyq jáne bıýdjetke tólenetin basqa da mindetti tólemder týraly» kodekske, sondaı-aq «Kommertsııalyq emes uıymdar týraly», «Halyqty jumyspen qamtý týraly», «Aktsıonerlik qoǵamdar týraly», «Qazaqstan Respýblıkasyndaǵy arnaıy ekonomıkalyq aımaqtar týraly» jáne «Indýstrııalyq-ınnovatsııalyq qyzmetti memlekettik qoldaý týraly» zańdarǵa tıisti túzetýler engizý kózdeledi.
Atap aıtqanda, ózgerister men tolyqtyrýlar: aktsıonerlik qoǵamdy derbes klasterlik qorǵa aınaldyrýǵa, arnaıy ekonomıkalyq aımaq basqarýshy kompanııasynyń derbes klasterlik qordyń jer ýchaskelerin qaıtalama paıdalanýǵa (qosalqy jalǵa) berýge, derbes klasterlik qorǵa, Qordyń fýnktsııasyn qarjylandyrý múmkindigin qamtamasyz etý jónindegi derbes bilim berý uıymdaryna memlekettik tapsyrmany aıqyndaýǵa, jer qoınaýyn paıdalanýshylardyń derbes klasterlik qorǵa aqsha aýdarýǵa baılanysty shyǵyndarynyń salyqtyq shegerimin bekitýge jáne taǵy basqalarǵa qatysty bolyp otyr.
Zań jobalary Palatanyń qaraýyna jiberildi.
