Innovatsııalyq ónimniń ósimi 1,7 eseden asty - Á. Isekeshev
Bul týraly búgin Májiliste «2010-2014 jyldarǵa arnalǵan Údemeli ındýstrııalyq-ınnovatsııalyq damý baǵdarlamasyn iske asyrý barysy» taqyrybynda ótken Úkimet saǵaty barysynda Indýstrııa jáne jańa tehnologııalar mınıstri Áset Isekeshev málim etti.
Mınıstrdiń aıtýynsha, Ulttyq ınnovatsııalyq júıe qurylyp, ınnovatorlar qajet etetin birqatar qoldaý tetikteri iske qosylǵan bolatyn. Sonyń nátıjesinde sońǵy jyldary jumys istep turǵan kásiporyndardyń arasynda ınnovatsııalyq-belsendi kásiporyndardyń úlesi 4,3 paıyzǵa deıin ósý úderisin kórsetti.
«Innovatsııadaǵy basty mańyzdy másele - bul adamdar men adamı kapıtal. Onyń ishinde de jańasha oılaýshylarǵa kóp úmit artylady. Sol úshin bizge bul taqyrypty keńinen qaýzap, tanymal ete, nasıhattaı túsýimiz kerek. Qoǵamnyń ózi de bul taqyrypty qajet etip otyr», - deıdi Á. Isekeshev.
