«Innovatsııalyq Qazaqstan» baıqaýynyń jeńimpazdary «Samuryq-Qazyna» qorynyń kadrlyq rezervine tirkeldi
«ASTANA. 25 qańtar. QazAqparat /Rýslan Ǵabbasov/ - «Samuryq-Qazyna» Ulttyq ál-aýqat qorynyń basqarma tóraǵasy Ómirzaq Shókeev jastar arasyndaǵy «Innovatsııalyq Qazaqstan» respýblıkalyq baıqaýynyń jeńimpazdaryn marapattady.
Atalǵan konkýrstyń aqtyq saıysyna 21 jas ǵalymdar ótti. Olardyń ǵylymı eńbegine oraı qor tarapynan baǵaly syılyqtar tapsyryldy. Sonymen qatar, «Tehnologııalyq serpin» atalymynda bas júlde elordalyq Aısha Ysqaqovaǵa buıyrdy. Ol «Dári-dármekti qabyldaýdy ońtaılandyrýdaǵy molekýlıarlyq tásildi ázirleý» jobasy boıynsha úzdik tanyldy. Munymen qosa, «Áleýmettik ıdeıa» atalymyndaǵy bas júlde qaraǵandylyq Marııa Býrova tapsyryldy. Ol aýyr jaǵdaıǵa dýshar bolǵan jasóspirimderge qoldaý kórsetý turǵysyndaǵy ıdeıany usyndy.
Osy baıqaýda eki atalym boıynsha bas júldeger atanǵan A. Ysqaqova men M. Býrovany qor basshysy 5 mln. teńge kólemindegi bilim granttarymen marapattady.
Ó. Shókkevtiń aıtýynsha, atalǵan baıqaýdyń fınalyna ótkenderdiń barlyǵy «Samuryq-Qazyna» qorynyń kadrlyq rezervine tirkeledi jáne olar qor tobyndaǵy kompanııalarda qyzmetke tura alady.
«Innovatsııalyq Qazaqstan» baıqaýy ótken jyldyń qyrkúıeginde jarııalanyp, elimizdiń 150 joǵary oqý oryndarynda tanystyryldy. Jalpy osy ýaqytta baıqaýǵa qatysý úshin 2 313 ótinim tapsyryldy.
Qor basshysynyń paıymdaýynsha, endi atalǵan baıqaý dástúrli túrde ótkizilip turatyn bolady.
