Innovatsııalyq granttar boıynsha 600-ge tarta ótinishter kelip tústi - «Ulttyq ınnovatsııalyq qor» AQ
TANA. 3 tamyz. QazAqparat /Qanat Mámetqazyuly/ - Búgingi kúni respýblıka óńirlerinen ınnovatsııalyq baǵdarlama sheńberindegi granttar boıynsha 600-ge tarta ótinish kelip tústi.
Bul týraly búgin atalǵan baǵdarlama jóninde ótken baspasóz máslıhaty barysynda «Ulttyq ınnovatsııalyq qor» AQ basqarma basshysynyń orynbasary Ánýarbek Sultanǵazın málim etti.
«Kelip túsken ótinishterdiń kózdeıtin jalpy somasy 50 mlrd. teńgeden asady. Bul rette osy baǵytta 7,3 mlrd. teńge bólingen bolatyn. Qazirgi kúni ótinishter boıynsha bastapqy irikteý jumystary júrgizilýde. Shamamen aǵymdaǵy tamyz aıynyń sońyna taman biz atalǵan jobalardy 3 túrli saraptamalarǵa joldaıtyn bolamyz, ol boıynsha eń úzdikter tańdap alynady», - dedi Á. Sultanǵazın.
Sonymen qatar, basqarma basshysynyń orynbasary jýrnalıster arasynda «Órleý aqparaty» atty baıqaý da jarııalanǵanyn málim etti. «Bunda negizinen ınnovatsııaǵa qatysty jýrnalısterdiń úzdik materıaldary konkýrsqa qatysa alady. Bul rette tek «Ulttyq ınnovatsııalyq qor» qyzmeti ǵana emes, jalpy ınnovatsııa salasynda qandaı jańalyqtar týraly jazylǵan materıaldarǵa erekshe kóńil bólinedi», - deıdi Á. Sultanǵazın.
