Innovatsııalyq Eýrazııa ýnıversıtetiniń 7 stýdenti QR Prezıdentiniń arnaıy stıpendııasyna ıe boldy

Bul týraly oqý ornynyń Jastar isi jáne qoǵammen baılanys jónindegi bólimniń bastyǵy Marına Poýh málim etti.

Sapaly bilim alý jáne bilikti maman ataný - árbir stýdenttiń armany. Jastarǵa qamqorlyq jasaı otyryp, Prezıdent N.Nazarbaev óziniń arnaıy shákirtaqysyn taǵaıyndady. Ony ıelenýge jyl saıyn myńdaǵan oqý ozaty úmittenedi. Qazaqstan Respýblıkasy Prezıdentiniń Arnaıy shákirtaqysyn taǵaıyndaý týraly Erejeniń 3 tarmaǵyna sáıkes shákirtaqy JOO-nyń kúndizgi bóliminde úzdik oqıtyn, ǵylymı-zertteý jumysymen aınalysatyn, oqý ornynyń qoǵamdyq ómirine belsendi aralasatyn stýdentke berilýi tıis.

«Prezıdenttiń arnaıy stıpendııasyna usynylǵan úmirkerlerdi irikteý óte muqııat júrgizildi. Ár kafedra usynǵan kandıdatýralar fakýltettiń ǵylymı keńesinde talqylandy. Odan keıin, Ǵylymı keńestiń bekitken tizimi QR bilim jáne ǵylym mınıstrliginiń konkýrstyq komıssııasyna usynyldy», - dep atap ótti M.Poýh.

Nátıjesinde bıyl atalmysh shákirtaqyǵa Aleksandr Berýs (D-302), Natalıa Andreeva (Ekol-302), Tatıana Kalına (EE-302), Gúljıhan Temirova (JırF 302), Irına Hodaraeva (PıP-302), Ádilbek Temirálın (ıÝ-302) jáne Elena Rasýlova (GMÝ-302) ıelendi.